വിദ്യാർഥികൾ വാക്സിൻ സ്വീകരിക്കണം
പാലക്കാട് വിദ്യാഭ്യാസ സ്ഥാപനങ്ങൾ തുറക്കാനുള്ള സർക്കാർ നടപടി പുരോഗമിക്കുന്ന സാഹചര്യത്തിൽ കോളേജ് വിദ്യാർഥികൾ ഉടൻ വാക്സിൻ സ്വീകരിക്കണമെന്ന് ഡിഎംഒ കെ പി റീത്ത അറിയിച്ചു. ഒരു ഡോസ് വാക്സിനെങ്കിലും സ്വീകരിക്കാത്ത 18 കഴിഞ്ഞ വിദ്യാർഥികൾ സമീപത്തുള്ള ആശാ വർക്കറെയോ, ആരോഗ്യപ്രവർത്തകരെയോ ബന്ധപ്പെടണം. പല കോളേജുകളിലും വിദ്യാർഥികൾക്കായി വാക്സിൻ വിതരണം നടത്തിയിരുന്നു. ഈ മാസത്തോടെ വിദ്യാർഥികളിൽ വാക്സിൻ വിതരണം പൂർത്തിയാക്കാനാണ് ശ്രമം. Read on deshabhimani.com