ക്രഷർ ക്വാറി പ്രവർത്തനം നിർത്തിവയ്ക്കും
മലപ്പുറം അധികാരികളുടെ അനാവശ്യമായ പരിശോധനയിൽ പ്രതിഷേധിച്ച് തിങ്കളാഴ്ചമുതൽ അനിശ്ചിതകാല പണിമുടക്ക് നടത്താൻ മലപ്പുറത്ത് ചേർന്ന ക്രഷർ ക്വാറി വ്യവസായി ഏകോപന സമിതി ജില്ലാ കമ്മിറ്റി യോഗം തീരുമാനിച്ചു. ഈ വിഷയത്തിൽ ഉടൻ നീതി ലഭ്യമാക്കണമെന്നും യോഗം ആവശ്യപ്പെട്ടു. ഏകോപന സമിതി ജില്ലാ കൺവീനർ കെ എം കോയാമു ഉദ്ഘാടനംചെയ്തു. ജില്ലാ ട്രഷറർ ജമാൽ മുഹമ്മദ് അധ്യക്ഷനായി. ഓൾ കേരള ക്രഷർ ഓണേഴ്‌സ് അസോസിയേഷൻ ജില്ലാ സെക്രട്ടറി എ ബീരാൻകുട്ടി സ്വാഗതവും ക്വാറി അസോസിയേഷൻ ജില്ലാ സെക്രട്ടറി റസാഖ് പട്ടാക്കൽ നന്ദിയും പറഞ്ഞു. Read on deshabhimani.com