കുടുംബങ്ങൾക്ക്‌ പരമാവധി സഹായം നൽകണം: സിപിഐ എം
മലപ്പുറം പുറത്തുരിൽ തോണി മറിഞ്ഞ്‌ മരിച്ച നാലു തൊഴിലാളികളുടെ കുടുംബങ്ങൾക്ക്‌ സർക്കാർ പരമാവധി സാമ്പത്തിക സഹായം നൽകണമെന്ന്‌ മുഖ്യമന്ത്രി പിണറായി വിജയന്‌ അയച്ച നിവേദനത്തിൽ സിപിഐ എം ജില്ലാ കമ്മിറ്റി ആവശ്യപ്പെട്ടു. സാമ്പത്തികമായി ഏറെ പ്രയാസമുള്ള കുടുംബമാണ്‌ ഇവരുടേത്‌. പുറത്തൂർ പുതുപ്പള്ളി സ്വദേശികളായ കെ പി അബൂബക്കർ, ഇ പി സലാം, റുഖിയ, സൈനബ എന്നിവരാണ്‌ ഭാരതപ്പുഴയിൽ കക്കവാരാൻ പോയി തിരിച്ചുവരുന്നതിനിടെ കഴിഞ്ഞദിവസം അപകടത്തിൽ മരിച്ചത്‌. രണ്ടുപേർ രക്ഷപ്പെട്ടു. ഇവരുടെ വരുമാനത്തെ മാത്രം ആശ്രയിച്ചുകഴിയുന്നതാണ്‌ കുടുംബങ്ങൾ. അതിനാൽ പരമാവധി സഹായമുണ്ടാകേണ്ടത്‌ അനിവാര്യമാണ്‌–- സിപിഐ എം ജില്ലാ സെക്രട്ടറി ഇ എൻ മോഹൻദാസ്‌ കത്തിൽ ചൂണ്ടിക്കാട്ടി. Read on deshabhimani.com