കൂരിയാട് പാടത്ത് സൂര്യകാന്തിച്ചിരി
വേങ്ങര മനോഹരക്കാഴ്‌ചയൊരുക്കി കൂരിയാട് പാടത്തെ സൂര്യകാന്തികൾ. കൂരിയാട് മണ്ണിൽ പിലാക്കൽ കാട്ടുപാടത്ത്, നാടുകാണി–--പരപ്പനങ്ങാടി സംസ്ഥാന പാതയിൽ കെഎസ്‌ഇബി സബ്‌ സ്‌റ്റേഷന്‌ മുന്നിലാണ്‌ അഞ്ചേക്കറിൽ സൂര്യകാന്തി വിടർന്നത്‌. സ്വർണ നിറമാർന്ന പൂക്കൾ കാണാൻ ദിവസേനെ നൂറുകണക്കിനാളുകളാണ്‌ എത്തുന്നത്‌. യുവകർഷകരായ പള്ളിയാളി ഹംസ, മേലയിൽ അബ്ദുറിയാസ്, കള്ളത്താൻ അബു എന്നിവരാണ് കൃഷിയൊരുക്കിയത്‌. രണ്ടുമാസംമുമ്പ് മാതാട് വേങ്ങരപ്പാടത്ത് ഒരുസംഘം യുവാക്കൾ സൂര്യകാന്തി വിളയിച്ചിരുന്നു. തണ്ണിമത്തൻ കൃഷിയൊരുക്കിയ നിലത്തുതന്നെയാണ് ഹംസയും സംഘവും സൂര്യകാന്തി വിത്തിട്ടത്. Read on deshabhimani.com