ലാമില്ലാർ ഇക്‌തിയോസിസ്‌ ഭിന്നശേഷി രോഗമായി അംഗീകരിക്കണം
കോഴിക്കോട് ലാമില്ലാർ ഇക്‌തിയോസിസ്‌ എന്ന ത്വഗ്‌രോഗത്തെ ഭിന്നശേഷി അവകാശ നിയമപ്രകാരം ഭിന്നശേഷി രോഗമായി സർക്കാർ അംഗീകരിക്കണമെന്ന് രോഗബാധിതരുടെ കൂട്ടായ്‌മ ആവശ്യപ്പെട്ടു. ജന്മനാ വികൃതമായ ശരീരവും വിയർപ്പ് ഗ്രന്ഥി ഇല്ലാത്തതുമായ രോഗംമൂലം നിരവധി ആരോഗ്യ-–-സാമ്പത്തിക പ്രശ്നങ്ങളാണ് നേരിടുന്നതെന്ന്‌ ഫവാസ്‌ മുനീർ, പ്രീതി വേലായുധൻ എന്നിവർ വാർത്താസമ്മേളനത്തിൽ പറഞ്ഞു. വിലയേറിയ മരുന്നുകൾ സൗജന്യമായി നൽകണം. തൊഴിലവസരങ്ങൾ, നല്ല ചികിത്സ, പെൻഷൻ തുടങ്ങിയവ ലഭ്യമാക്കണമെന്നും ആവശ്യപ്പെട്ടു. മുഹമ്മദ്‌ ഫാഹിർ, സി ഷിബിൻ എന്നിവരും പങ്കെടുത്തു. Read on deshabhimani.com