അതിജീവനത്തിന് ആവരണം തുന്നുന്നവര്‍
കോഴിക്കോട് മഹാമാരിയെ പ്രതിരോധിക്കാൻ മാസ്‌കുകൾ തുന്നുകയാണ് ജില്ലയിലെ വിദ്യാർഥികൾ. വൈറസ് വ്യാപനം തടയാൻ സ്വീകരിക്കേണ്ട സ്വയം പ്രതിരോധത്തിന്റെ ആവശ്യകത ഓർമപ്പെടുത്തിയാണ് എസ്എഫ്‌ഐ ജില്ലാ കമ്മിറ്റിയുടെ നേതൃത്വത്തിൽ നിർമാണം. ജില്ലയിലെ വിവിധ സർക്കാർ സ്ഥാപനങ്ങളിലും ആശുപത്രികളിലും വ്യാപാര സ്ഥാപനങ്ങളിലും വിതരണം ചെയ്തിരുന്നു. ആയിരത്തോളം മാസ്‌കുകൾ സംസ്ഥാന സെക്രട്ടറി കെ എം സച്ചിൻദേവ് എഡിഎം റോഷ്‌നി നാരായണന് കൈമാറി. ജില്ലാ സെക്രട്ടറി ടി അതുൽ, സംസ്ഥാന കമ്മിറ്റി അംഗം സിനാൻ ഉമ്മർ, ജില്ലാ ജോ.സെക്രട്ടറി ബി സി അനുജിത്ത്, എം ഉണ്ണികൃഷ്ണൻ തുടങ്ങിയവർ പങ്കെടുത്തു. Read on deshabhimani.com