കാട്ടുപോത്തിന്റെ കുത്തേറ്റ് യുവാവിന് പരിക്ക്
താമരശേരി കാട്ടുപോത്തിന്റെ ആക്രമണത്തിൽ യുവാവിന് പരിക്ക്. കട്ടിപ്പാറ അമരാട് മല അരീക്കരക്കണ്ടി റിജേഷ് (35)നാണ് പരിക്കേറ്റത്. ശനി രാവിലെ എട്ടരയോടെയാണ് സംഭവം. റിജേഷും അച്ഛൻ ദാമോദരനും റബർ ടാപ്പിങ്ങിനും കൊക്കോ പറിക്കുന്നതിനുമായി പോയതായിരുന്നു. വനാതിർത്തിയോട് ചേർന്നുള്ള ഈ പ്രദേശത്ത് കാട്ടുമൃഗങ്ങൾ വരുന്നത് പതിവാണ്. റിജേഷിന് കുത്തേറ്റത്തോടെ ദാമോദരനും നാട്ടുകാരും ശബ്ദമുണ്ടാക്കിയാണ് കാട്ടുപോത്തിനെ ഓടിച്ചത്. റിജേഷിനെ താമരശേരി താലൂക്ക് ആശുപത്രിയിൽ പ്രഥമ ശുശ്രൂഷ നൽകി മെഡിക്കൽ കോളേജ് ആശുപത്രിയിലേക്ക് മാറ്റി. Read on deshabhimani.com