കെഎംഎസ്‌ആർഎ ധർണ നടത്തി
കോഴിക്കോട്‌ ഹിമാലയ വെൽനസ് കമ്പനി കേരളത്തിൽ തൊഴിലെടുക്കുന്ന തൊഴിലാളികളെ അന്യായമായി പിരിച്ചുവിടുകയും സ്ഥലം മാറ്റുകയും ചെയ്യുന്ന നടപടിക്കെതിരെ കേരള മെഡിക്കൽ സെയിൽസ് റെപ്രസെന്റേറ്റീവ് അസോസിയേഷൻ (കെഎംഎസ്‌ആർഎ) സമരം സംഘടിപ്പിച്ചു. സിഐടിയു നേതൃത്വത്തിൽ രൂപീകരിച്ച സമരസമിതിയുടെ ആഭിമുഖ്യത്തിലായിരുന്നു സമരം. മാവൂർ റോഡിലെ ഹിമാലയ ഷോറൂമിന്‌ മുമ്പിൽ ധർണ നടത്തി. സി പി സുലൈമാൻ ഉദ്‌ഘാടനം ചെയ്‌തു. സി നാസർ അധ്യക്ഷനായി. കെ സജേഷ്, പി കെ സന്തോഷ്, പി സി ഷിജേഷ് കുമാർ, ആർ ജൈനചന്ദ്രൻ, കെ വി ജയരാജൻ, കെ വി പ്രമോദ്‌, എൻ മീന, കെ ഭാഗീരഥി, എം പി അപ്പുണ്ണി, കെ എം സുരേന്ദ്രൻ, പി ബാബു, ജെ ജി ഷിനുമോൻ എന്നിവർ സംസാരിച്ചു. Read on deshabhimani.com