ബേപ്പൂരിൽ ബഷീർ ഫെസ്റ്റ് സംഘടിപ്പിക്കും
ഫറോക്ക് വൈക്കം മുഹമ്മദ് ബഷീറിന്റെ ചരമവാർഷിക ദിനാചരണത്തോടനുബന്ധിച്ച് ബേപ്പൂരിൽ "ബഷീർ ഫെസ്റ്റ്’ സംഘടിപ്പിക്കും. " നമ്മൾ ബേപ്പൂർ’ ആണ് മലയാള സാഹിത്യ ശാഖയെ ലോകത്തിന്റെ നെറുകയിലെത്തിച്ച ബഷീറിന്റെ 28-ാം ചരമവാർഷികത്തോടനുബന്ധിച്ച്‌ ജൂലൈ അഞ്ചിന് വിപുലമായ പരിപാടികൾ സംഘടിപ്പിക്കാനൊരുങ്ങുന്നത്. സംഘാടക സമിതി രൂപീകരണ യോഗം 31 ന് വൈകിട്ട് അഞ്ചിന് മാത്തോട്ടം വനശ്രീ ഹാളിൽ ചേരും. യോഗത്തിൽ മന്ത്രി മുഹമ്മദ് റിയാസ്, കലാ -സാംസ്കാരിക, സാമൂഹ്യ–- രാഷ്ട്രീയ–- സംഘടനാ പ്രതിനിധികൾ, ജനപ്രതിനിധികൾ തുടങ്ങിയവർ പങ്കെടുക്കും . വിവിധ സെഷനുകളിലായി വിപുലമായ പരിപാടികളോടെ "ബഷീർ ഫെസ്റ്റ്’ -ദേശീയതലത്തിൽ ശ്രദ്ധനേടുന്ന ജനകീയ സാഹിത്യ ഉത്സവമാകുമെന്നും ബഷീറിന്റെ പേരിൽ സ്മാരകവും സാഹിത്യ സാംസ്കാരിക കേന്ദ്രവും നിർമിക്കാൻ തീരുമാനിച്ച പശ്ചാത്തലത്തിൽ ഫെസ്റ്റിന് പ്രാധാന്യമേറുമെന്നും മന്ത്രി റിയാസ് പറഞ്ഞു. Read on deshabhimani.com