കയർ ഭൂവസ്ത്രത്തിന്റെ ചേലിൽ മഞ്ഞപ്പുഴ
ബാലുശേരി മണ്ഡലത്തിലെ പ്രധാന ജലസ്രോതസ്സായ മഞ്ഞപ്പുഴയ്ക്ക് കയർ ഭൂവസ്ത്രത്തിന്റെ ചേല്. പനങ്ങാട് കാട്ടാംവള്ളിയിൽ ജലസേചന വകുപ്പും തൊഴിലുറപ്പ് പദ്ധതി തൊഴിലാളികളും ചേർന്നാണ് ഭൂവസ്ത്രം വിരിച്ചത്. 3,48,970 രൂപ ഇതിന് ചെലവിട്ടു. മഴക്കാലത്ത് കരകവിഞ്ഞൊഴുകുന്ന ഈ ഭാഗത്ത് ജലസേചന വകുപ്പ് പുഴയിൽ അടിഞ്ഞുകൂടിയ മണ്ണെടുത്ത് മാറ്റിയിരുന്നു. തുടർന്നാണ് കയർ ഭൂവസ്ത്രം വിരിച്ച് പുഴയുടെ വശങ്ങൾ ബലപ്പെടുത്തിയത്. ബാലുശേരി പഞ്ചായത്തിലെ കോവിലകം താഴെ ഭാഗത്തും പുഴയുടെ വശത്ത് കയർ ഭൂവസ്ത്രം വിരിച്ചിട്ടുണ്ട്. Read on deshabhimani.com