രാംദാസ് വൈദ്യർ അനുകരിക്കാനാകാത്ത പ്രതിഭ
കോഴിക്കോട്‌ അനുകരിക്കാനാകാത്ത സർഗസാമൂഹ്യ വിമർശകനായിരുന്നു രാംദാസ് വൈദ്യരെന്ന്‌ കഥാകൃത്ത്‌ വി ആർ സുധീഷ് പറഞ്ഞു. സംഘാടകരും അനുയായികളുമില്ലാത്ത പ്രതിഭയായിരുന്നു വൈദ്യർ. കാലത്തിനപ്പുറവും നിറഞ്ഞുനിൽക്കുന്ന വൈദ്യരുടെ പ്രവർത്തനങ്ങളാണ്‌ അദ്ദേഹത്തെ ചിരസ്‌മരണീയനാക്കിയത്‌–- രാംദാസ് വൈദ്യർ അനുസ്മരണം ഉദ്‌ഘാടനംചെയ്‌ത്‌ സുധീഷ് പറഞ്ഞു. കെ പി കേശവമേനോൻ ഹാളിൽ നടന്ന ചടങ്ങിൽ എൻ പി രാജേന്ദ്രൻ അധ്യക്ഷനായി. കെ പ്രേമനാഥ്‌, എം ഫിറോസ്‌ഖാൻ, കമാൽ വരദൂർ, ഡോ. സനൽകുമാർ, വീരാൻകോയ എന്നിവർ സംസാരിച്ചു. എ സജീവൻ സ്വാഗതവും ടി വേലായുധൻ നന്ദിയും പറഞ്ഞു. അനിൽദാസിന്റെ ഗസൽ ആലാപനവുമുണ്ടായി. Read on deshabhimani.com