കൃഷ്ണപിള്ളയെ അനുസ്മരിച്ചു
കോഴിക്കോട് കമ്യൂണിസ്റ്റ് നേതാവ് പി കൃഷ്ണപിള്ളയുടെ 74–-ാം ചരമവാർഷികദിനം വിപുലമായി ആചരിച്ചു. സിപിഐ എം നേതൃത്വത്തിൽ ബ്രാഞ്ചുകളിൽ പ്രഭാതഭേരിയും അനുസ്മരണ പൊതുയോഗങ്ങളും നടന്നു. പാർടി ഓഫീസുകളിൽ പതാക ഉയർത്തി. ജില്ലാ കമ്മിറ്റി ഓഫീസിൽ ജില്ലാ സെക്രട്ടറി പി മോഹനൻ പതാക ഉയർത്തി. സിപിഐ എമ്മും സിപിഐയും സംയുക്തമായും അനുസ്മരണ പരിപാടികൾ സംഘടിപ്പിച്ചു. കേളുഏട്ടൻ പഠന ഗവേഷണകേന്ദ്രത്തിൽ നടന്ന അനുസ്മരണ യോഗം പുരോഗമന കലാസാഹിത്യസംഘം സെക്രട്ടറി കെ ഇ എൻ ഉദ്ഘാടനംചെയ്തു. പഠനകേന്ദ്രം ഡയറക്ടർ കെ ടി കുഞ്ഞിക്കണ്ണൻ, ഡോ. മിനി പ്രസാദ്, കെ പി അനിൽകുമാർ എന്നിവർ സംസാരിച്ചു. ഡോ. ജെ പ്രസാദ് അധ്യക്ഷനായി. കെ കെ സി പിള്ള സ്വാഗതം പറഞ്ഞു. Read on deshabhimani.com