കരുതലിന്റെ സ്നേഹസ്പർശമൊരുക്കി യുവത
വടകര കോവിഡ് മഹാമാരിയിലും കരുതലിന്റെ സ്നേഹസ്പർശമൊരുക്കി യുവത. ഡിവൈഎഫ്ഐ നടക്കുതാഴ മേഖലാ കമ്മിറ്റിയുടെ കൈത്താങ്ങ് പദ്ധതിയുടെ ഭാഗമായുള്ള ആംബുലൻസ് മന്ത്രി പി എ മുഹമ്മദ് റിയാസ് നാടിന് സമർപ്പിച്ചു. ബിരിയാണി ചലഞ്ചും, അക്രി പെറുക്കിയും മത്സ്യംവിറ്റും സമ്മാന നിധി നടത്തിയുമാണ് ആംബുലൻസിനായി ധനം സമാഹരിച്ചത്. പുതിയാപ്പിൽ നടന്ന ചടങ്ങിൽ പി കെ ശശി അധ്യക്ഷനായി. ഡിവൈഎഫ്ഐ സംസ്ഥാന കമ്മിറ്റി അംഗം കെ വി ലേഖ, ജില്ലാ സെക്രട്ടറിയേറ്റംഗം കെ പി ശ്രീജിത്ത്, ബ്ലോക്ക് സെക്രട്ടറി എൻ കെ അഖിലേഷ്, വി വിവേക്, വി പി സുജിത്ത്, പി പി സുജിത്ത് എന്നിവർ സംസാരിച്ചു. Read on deshabhimani.com