കോഴിക്കോട് സിവിൽ സ്റ്റേഷൻ ചാമ്പ്യന്മാർ
കോഴിക്കോട് എൻജിഒ യൂണിയൻ ജില്ലാ കലോത്സവത്തിൽ കോഴിക്കോട് സിവിൽ സ്റ്റേഷൻ ഏരിയ ഓവറോൾ ചാമ്പ്യന്മാരായി. പത്ത് ഏരിയകളെ പ്രതിനിധീകരിച്ച് ആറുവേദികളിലായി 19 ഇനങ്ങളിൽ 437 ജീവനക്കാർ മത്സരിച്ചു. ബിഇഎം ഹയർ സെക്കൻഡറി സ്കൂളിൽ മേയർ ഡോ. ബീന ഫിലിപ്പ് ഉദ്ഘാടനംചെയ്തു. ജില്ലാ പ്രസിഡന്റ് ഹംസ കണ്ണാട്ടിൽ അധ്യക്ഷനായി. യൂണിയൻ സംസ്ഥാന സെക്രട്ടറിയറ്റംഗം പി പി സന്തോഷ് സംസാരിച്ചു. ജില്ലാ സെക്രട്ടറി കെ പി രാജേഷ് സ്വാഗതവും എൻജിഒ ആർട്സ് ജില്ലാ കൺവീനർ എസ് സതീഷ് കുമാർ നന്ദിയും പറഞ്ഞു. Read on deshabhimani.com