അക്ഷരമുറ്റം ക്വിസ്: സംഘാടക സമിതി രൂപീകരിച്ചു
കോഴിക്കോട്‌ ദേശാഭിമാനി അക്ഷരമുറ്റം ക്വിസ് സ്‌കൂൾതല മത്സര നടത്തിപ്പിനായി സംഘാടക സമിതി രൂപീകരിച്ചു. ദേശാഭിമാനി ഓഡിറ്റോറിയത്തിൽ ചേർന്ന യോഗത്തിൽ യൂണിറ്റ് മാനേജർ ഒ പി സുരേഷ് അധ്യക്ഷനായി. സീനിയർ ന്യൂസ് എഡിറ്റർ കെ പ്രേമനാഥ്, ബ്യൂറോ ചീഫ് പി വി ജീജോ എന്നിവർ സംസാരിച്ചു. അക്ഷരമുറ്റം ജില്ലാ കോ- ഓർഡിനേറ്റർ പി രഞ്ജിത് സ്വാഗതവും വി എം മനോജ് നന്ദിയും പറഞ്ഞു. സംഘാടകസമിതി ഭാരവാഹികളായി ഒ പി സുരേഷ് (ചെയർമാൻ), സി പി അബൂബക്കർ, കെ പ്രേമനാഥ്, എം രാജേഷ് ബാബു (വൈസ് ചെയർമാന്മാർ). പി രഞ്ജിത് (കൺവീനർ), ടി കെ പ്രകാശൻ, ഐ അനിത, പി കെ സജിത്‌ (ജോ. കൺവീനർമാർ) എന്നിവരെ തെരഞ്ഞെടുത്തു. അക്ഷരമുറ്റം സ്‌കൂൾ മത്സരം ജനുവരി 12നാണ്‌. ഉപജില്ലാമത്സരം 19നും ജില്ലാമത്സരം 29നും നടത്തും. Read on deshabhimani.com