കർഷക സത്യഗ്രഹം 66 ദിവസം പിന്നിട്ടു
കോട്ടയം ഡൽഹിയിൽ കർഷകർ നടത്തുന്ന സമരത്തിന്‌ ഐക്യദാർഢ്യം പ്രഖ്യാപിച്ച്‌ കോട്ടയത്ത്‌ സംയുക്ത കർഷകസമിതി നടത്തിവരുന്ന അനിശ്ചിതകാല സത്യഗ്രഹം 66 ദിവസം പിന്നിട്ടു. വ്യാഴാഴ്‌ച നടന്ന സമരം ഫാ. സക്കറിയ പാലക്കാട്‌ ഉദ്‌ഘാടനം ചെയ്‌തു. ബാബു പറപ്പള്ളിമറ്റം അധ്യക്ഷനായി. കർഷകസംഘം ജില്ലാ സെക്രട്ടറി കെ എം രാധാകൃഷ്‌ണൻ, സംസ്ഥാനകമ്മിറ്റി അംഗം പി എൻ ബിനു, എസ്‌എഫ്‌ഐ ജില്ലാ സെക്രട്ടറിയറ്റംഗം സുധിൻ സതീശ്‌, കിസാൻസഭ ജില്ലാ സെക്രട്ടറി ദാസപ്പൻ, കർഷകസംഘം ഏരിയ വൈസ് പ്രസിഡന്റ്‌ എം ആർ ഹരിദാസ്‌, അജയൻ, കർഷകസംഘം ജില്ലാ കമ്മിറ്റി അംഗം പ്രൊഫ.ആർ സദാശിവൻ നായർ എന്നിവർ സംസാരിച്ചു. കർഷകസംഘം അയർക്കുന്നം ഏരിയ സെക്രട്ടറി ടി എസ്‌ ജയൻ സ്വാഗതവും, ഏരിയ ജോയിന്റ്‌ സെക്രട്ടറി ടി വി മോഹൻകുമാർ നന്ദിയും പറഞ്ഞു. Read on deshabhimani.com