താമരക്കുടി സഹകരണ ബാങ്ക് പുനരുജ്ജീവിപ്പിക്കും: മന്ത്രി കെ എൻ ബാലഗോപാൽ
കൊട്ടാരക്കര താമരക്കുടി സർവീസ്‌ സഹകരണബാങ്ക് പുനരുജ്ജീവിപ്പിക്കാൻ പിന്തുണ നൽകുമെന്ന് ധനമന്ത്രി കെ എൻ ബാലഗോപാൽ പറഞ്ഞു. താമരക്കുടി പാലേതോണ്ടലിൽ ഓഡിറ്റോറിയത്തിൽ നടന്ന അവലോകന യോഗത്തിൽ അധ്യക്ഷത വഹിക്കുകയായിരുന്നു മന്ത്രി. നിക്ഷേപകരുടെ താൽപ്പര്യം സംരക്ഷിക്കും. ബാങ്ക് പുനരുജ്ജീവനത്തിനായി പദ്ധതി തയ്യാറാക്കാനും നിക്ഷേപകർക്ക് നഷ്ടപ്പെട്ട തുക തിരികെ നൽകാനുള്ള പ്രവർത്തനങ്ങൾ വേഗത്തിലാക്കാനും ഉദ്യോഗസ്ഥരെ ചുമതലപ്പെടുത്തി. മൈലം പഞ്ചായത്ത് പ്രസിഡന്റ് ബിന്ദു ജി നാഥ്, സഹകരണസംഘം ജോയിന്റ് രജിസ്ട്രാർ (ജനറൽ) അബ്ദുൾ ഹലീം, അസി. രജിസ്ട്രാർ വിനോദ്കുമാർ, അഡ്ഹോക്ക് കമ്മിറ്റി കൺവീനർ എ അനീഷ്, യൂണിറ്റ് ഇൻസ്‌പെക്ടർ ബാബുമോൻ, സെയിൽസ് ഓഫീസർ എ രാജീവ്‌, സിപിഐ എം ഏരിയ സെക്രട്ടറി പി കെ ജോൺസൺ, വി രവീന്ദ്രൻനായർ, എൻ ബേബി, എം ചന്ദ്രൻ, ഉപാസന മോഹൻ എന്നിവർ പങ്കെടുത്തു. Read on deshabhimani.com