ഓർമകൾ ജ്വലിച്ചു, എസ്എഫ്ഐ പ്രവർത്തകർ ഒത്തുചേർന്നു
ചടയമംഗലം നിലമേൽ എൻഎസ്എസ് കോളേജിലെ മുൻകാല എസ്എഫ്ഐ പ്രവർത്തകരുടെ സംഗമം എസ്എച്ച് ഓഡിറ്റോറിയത്തിൽ പ്രൊഫ. വി എൻ മുരളി ഉദ്ഘാടനംചെയ്തു. ചിറക്കര അപ്പുക്കുട്ടൻ അധ്യക്ഷനായി. എ എ റഹിം എംപി, ഡി കെ മുരളി എംഎൽഎ, അഡ്വ. ഗീനാകുമാരി, പ്രദീപ് കണ്ണംകോട്, പള്ളിക്കൽ നഹാസ്, സാവിത്രി, പി കെ രമണൻ, എസ് വിക്രമൻ, കരിങ്ങന്നൂർ മുരളി, പി സുരേഷ്, സായിദാസ്, ആർ ശ്രീകുമാർ, എ എ ജലീൽ തുടങ്ങിയവർ സംസാരിച്ചു. 1970 മുതൽ 2022 വരെ എസ്എഫ്ഐയിൽ പ്രവർത്തിച്ചവരാണ്‌ ഒത്തുചേർന്നത്‌. അടിയന്തരാവസ്ഥക്കാലത്ത് തടവുകാരായി ജയിലിൽ അടയ്ക്കപ്പെട്ട സുലൈമാൻ, കിളിമാനൂർ ഷാജഹാൻ, മടത്തറ സുഗതൻ, എം എ നജീബ്, എം എ നജാം, പി സുരേഷ് കുമാർ, ലാലൻ കടയ്ക്കൽ എന്നിവരെ ആദരിച്ചു. കോളേജ് വിദ്യാഭ്യാസത്തിനു ശേഷം രാഷ്ട്രീയ പ്രവർത്തനത്തനം നടത്തിയ സിപിഐ എം സംസ്ഥാന, ജില്ലാ നേതാക്കൾ, ത്രിതല പഞ്ചായത്ത് അംഗങ്ങൾ തുടങ്ങിയവരും യോഗത്തിന് എത്തിയിരുന്നു. മൂന്നു സെക്‌ഷനായാണ് പരിപാടി സംഘടിപ്പിച്ചത്. Read on deshabhimani.com