സ്കൂളുകളുടെ ശുചീകരണം ആരംഭിച്ചു
കരുനാഗപ്പള്ളി സ്കൂളുകൾ തുറക്കുന്നതിന്‌ മുന്നോടിയായി മുനിസിപ്പാലിറ്റിയുടെ നേതൃത്വത്തിൽ വിവിധ വിദ്യാലയങ്ങൾ ശുചീകരിക്കുന്നതിന് തുടക്കമായി. മുനിസിപ്പൽ അതിർത്തിയിലുള്ള 14 പൊതുവിദ്യാലയങ്ങളുടെ ശുചീകരണമാണ്‌ ആരംഭിച്ചത്. മുനിസിപ്പൽ ശുചീകരണ വിഭാഗം തൊഴിലാളികൾ, തൊഴിലുറപ്പ് തൊഴിലാളികൾ എന്നിവരുടെ സഹകരണത്തോടെയാണ് ശുചീകരണം. കരുനാഗപ്പള്ളി ഗവ. ഹയർ സെക്കൻഡറി സ്കൂളിൽ മുനിസിപ്പൽ ചെയർമാൻ കോട്ടയിൽ രാജു ഉദ്ഘാടനംചെയ്തു. വിദ്യാഭ്യാസ സ്ഥിരം സമിതി ചെയർപേഴ്സൺ എൽ ശ്രീലത അധ്യക്ഷയായി. കൗൺസിലർ റെജി ഫോട്ടോപാർക്ക്, എസ്എംസി ചെയർമാൻ രഞ്ജിത്ത്, സോപാനം ശ്രീകുമാർ തുടങ്ങിയവർ പങ്കെടുത്തു. 22ന് ശുചീകരണ പ്രവർത്തനങ്ങൾ പൂർത്തിയാകുമെന്ന് മുനിസിപ്പൽ അധികൃതർ അറിയിച്ചു. Read on deshabhimani.com