മൊബൈൽ ഫോൺ മോഷ്ടിച്ചു
ചാത്തന്നൂർ റീചാർജ് ചെയ്യാൻ എന്ന വ്യാജേനയെത്തി മൊബൈൽ ഫോൺ മോഷ്ടിച്ചു. തിങ്കളാഴ്ച രാവിലെ 9.30ന് പാരിപ്പള്ളി ജങ്ഷനിലെ സെൽടെക് എന്ന മൊബൈൽ കടയിലാണ് മോഷണം നടന്നത്. കടയുടമ തിരിഞ്ഞ തക്കം നോക്കി ഫോൺ മോഷ്ടിക്കുകയായിരുന്നു. ടെക്നീഷ്യന്റെ ഫോണാണ് മോഷ്ടിച്ചത്. തുടർന്ന് കടയുടമ പാരിപ്പള്ളി പൊലീസ് സ്റ്റേഷനിലെത്തി പരാതി നൽകി. കടയിൽനിന്ന് മോഷ്ടാവ് മൊബൈൽഫോൺ മോഷ്ടിക്കുന്ന സിസിടിവി ദൃശ്യങ്ങൾ പുറത്തുവന്നിട്ടുണ്ട്. പൊലീസ് അന്വേഷണം ആരംഭിച്ചു. Read on deshabhimani.com