ജില്ലയിൽ 11 കോളേജിൽ എസ്എഫ്ഐക്ക്‌ എതിരില്ല
കൊല്ലം കേരള സർവകലാശാലയ്ക്ക് കീഴിലെ കോളേജ് യൂണിയൻ തെരഞ്ഞെടുപ്പിൽ നാമനിർദേശ പത്രികസമർപ്പണം അവസാനിച്ചപ്പോൾ ജില്ലയിലെ 11 കോളേജുകളിൽ എസ്എഫ്ഐ എതിരില്ലാതെ വിജയിച്ചു. 25നാണ്‌ തെരഞ്ഞെടുപ്പ്‌. കൊല്ലം എസ്എൻ കോളേജ്, വനിതാ കോളേജ്, എസ്എൻ ലോ കോളേജ്, ഫാത്തിമ മാതാ നാഷണൽ കോളേജ്, ചവറ ഗവ. കോളേജ്, കരുനാഗപ്പള്ളി വിദ്യാധിരാജാ, കൊട്ടിയം എൻഎസ്എസ്, ചാത്തന്നൂർ എസ്എൻ, കടയ്ക്കൽ പിഎംഎസ്എ, നിലമേൽ എൻഎസ്എസ്, പത്തനാപുരം സെന്റ് സ്റ്റീഫൻസ് എന്നിവിടങ്ങളിലാണ് എസ്എഫ്ഐ എതിരില്ലാതെ വിജയിച്ചത്. മറ്റ് കോളേജുകളിൽ നിരവധി സീറ്റുകളിൽ എസ്എഫ്ഐ സ്ഥാനാർഥികൾ എതിരില്ലാതെ തെരഞ്ഞെടുക്കപ്പെട്ടു. Read on deshabhimani.com