മുറ്റം ഇടിഞ്ഞുതാഴ്‌ന്നു; യുവാവ്‌ കുഴിയിൽ അകപ്പെട്ടു
കരുനാഗപ്പള്ളി കനത്ത മഴയിൽ വീടിന്റെ മുറ്റം ഇടിഞ്ഞു താഴ്‌ന്നുണ്ടായ കുഴിയിൽ അകപ്പെട്ട യുവാവ്‌ അത്ഭുതകരമായി രക്ഷപ്പെട്ടു. കരുനാഗപ്പള്ളി റെയിൽവേസ്റ്റേഷനു സമീപം ഇടക്കുളങ്ങര പാറ്റോലി കിഴക്കതിൽ നിഹാദിന്റെ വീട്ടുമുറ്റത്തെ കിണറിനോടു ചേർന്ന ഭാഗമാണ് മഴയെത്തുടർന്ന് ഇടിഞ്ഞുതാഴ്ന്നത്. ഈ സമയം കിണറിനു സമീപം ഉണ്ടായിരുന്ന നിഹാദ് (40) കുഴിയിൽ അകപ്പെടുകയായിരുന്നു. സമീപത്ത് മാറ്റാരും ഉണ്ടായിരുന്നില്ല. സ്വയം പിടിച്ചുകയറിയാണ് രക്ഷപ്പെട്ടത്. Read on deshabhimani.com