കുടുംബശ്രീ യൂണിറ്റുകൾക്ക് വായ്പ വിതരണംചെയ്തു
ഓയൂർ വെളിനല്ലൂർ പഞ്ചായത്ത് കുടുംബശ്രീ സിഡിഎസ് വിവിധ യൂണിറ്റുകൾക്ക് സംരഭക ലോൺ വിതരണംചെയ്തു. സംസ്ഥാന പിന്നാക്ക വികസന കോർപറേഷനിൽനിന്ന് 25 യൂണിറ്റുകൾക്കായി 1.60 കോടി രൂപയാണ് അനുവദിച്ചത്. ഓയൂർ ക്ഷീരസംഘത്തിൽ നടന്ന പരിപാടി ചടയമംഗലം ബ്ലോക്ക് പഞ്ചായത്ത് പ്രസിഡന്റ്‌ ലതിക വിദ്യാധരൻ ഉദ്ഘാടനം ചെയ്തു. പഞ്ചായത്ത് പ്രസിഡന്റ്‌ എം അൻസർ അധ്യക്ഷനായി. സിഡിഎസ് ചെയർപേഴ്സൺ സാജിത ബൈജു സ്വാഗതം പറഞ്ഞു. പിന്നാക്ക വികസന കോർപറേഷൻ മാനേജർ കെ ജെ ലത പദ്ധതി വിശദീകരിച്ചു. പഞ്ചായത്ത് വൈസ് പ്രസിഡന്റ്‌ ജെ റീന, സ്റ്റാൻഡിങ് ചെയർപേഴ്സൺ ജി ജയശ്രീ, ബ്ലോക്ക് പഞ്ചായത്ത് അംഗം കരിങ്ങന്നൂർ സുഷമ എന്നിവർ സംസാരിച്ചു. സിഡിഎസ് വൈസ് ചെയർപേഴ്സൺ അജിതകുമാരി നന്ദി പറഞ്ഞു. Read on deshabhimani.com