എൽഐസി ഏജന്റുമാർക്ക്‌ ഇഎസ്‌ഐ ഉറപ്പാക്കണം
കൊല്ലം എൽഐസി ഏജന്റുമാർക്ക്‌ ഇഎസ്‌ഐ ആനുകൂല്യം നടപ്പാക്കണമെന്ന്‌ എൽഐസി ഏജന്റ്‌സ്‌ ഓർഗനൈസേഷൻ ഓഫ്‌ ഇന്ത്യ (സിഐടിയു)ജില്ലാ സമ്മേളനം പ്രമേയത്തിൽ ആവശ്യപ്പെട്ടു. സിഐടിയു സംസ്ഥാന വൈസ്‌ പ്രസിഡന്റ്‌ പി സജി ഉദ്‌ഘാടനംചെയ്തു. ജി ഡാളി അധ്യക്ഷയായി. ബി രാജേഷ്‌ പ്രവർത്തന റിപ്പോർട്ടും ഡിവിഷൻ പ്രസിഡന്റ്‌ കെ ആർ സജീവ്‌ സംഘടനാ റിപ്പോർട്ടും അവതരിപ്പിച്ചു. കേന്ദ്രകമ്മിറ്റിഅംഗം വി കെ അനിരുദ്ധൻ സംസാരിച്ചു. കെ വിശ്വനാഥൻ, ബി രാജമല്ലി, ആർ ഷാജു, ടി കെ മോഹനൻ, എസ്‌ ചന്ദ്രബാബു എന്നിവർ ചർച്ചയ്ക്ക്‌ നേതൃത്വം നൽകി. എസ്‌ ശശിധരൻ സ്വാഗതവും എസ്‌ സുനിതകുമാരി നന്ദിയും പറഞ്ഞു. ഭാരവാഹികൾ: ആർ ഷൺമുഖദാസ്‌(പ്രസിഡന്റ്‌), സലീന ഷൗക്കത്ത്‌, പി പി തമ്പി (വൈസ്‌ പ്രസിഡന്റുമാർ), ബി രാജേഷ്‌ (സെക്രട്ടറി), എസ്‌ ചന്ദ്രബാബു, കെ സതീഭായി (ജോയിന്റ്‌ സെക്രട്ടറിമാർ), കെ ശ്രീകുമാർ (ട്രഷറർ). Read on deshabhimani.com