ഡ്രൈഡേയിൽ മദ്യവിൽപ്പന; യുവാവ് അറസ്റ്റിൽ
ചടയമംഗലം - ഡ്രൈഡേയിൽ ഓട്ടോറിക്ഷയിൽ കറങ്ങിനടന്ന് മദ്യവിൽപ്പന നടത്തിയ കേസിൽ യുവാവ് അറസ്റ്റിൽ. കാഞ്ഞിരത്തുംമൂട് പാറയ്ക്കാട് ചരുവിളപുത്തൻവീട്ടിൽ മണികണ്ഠൻ (38)ആണ്‌ എക്സൈസ് പിടിയിലായത്. 500 മില്ലിയുടെ 12 ബോട്ടിൽ വിദേശമദ്യവും ഇത് കടത്താനുപയോഗിച്ച ഓട്ടോറിക്ഷയും പിടിച്ചെടുത്തു. പ്രതി മുക്കട, കാഞ്ഞിരത്തുംമൂട്, കിണറ്റുമുക്ക് ഭാഗത്ത് ഓട്ടോയിൽ മദ്യക്കച്ചവടം നടത്തുന്നതായുള്ള വിവരത്തിന്റെ അടിസ്ഥാനത്തിൽ എക്സൈസ് ഷാഡോ സംഘത്തിന്റെ നിരീക്ഷണത്തിലായിരുന്നു.അസിസ്റ്റന്റ് എക്സൈസ് ഇൻസ്പെക്ടർ കൃഷ്ണരാജ്, പ്രിവന്റീവ് ഓഫീസർ എ എൻ ഷാനവാസ്, സിവിൽ എക്സൈസ് ഓഫീസർമാരായ സനൽകുമാർ, മാസ്റ്റർ ചന്തു, ജയേഷ്, സാബു എന്നിവരുൾപ്പെട്ട സംഘമാണ് പ്രതിയെ പിടികൂടിയത്. Read on deshabhimani.com