ഇന്ധനക്കൊള്ളയ്ക്കെതിരെ മത്സ്യത്തൊഴിലാളികള് പ്രതിഷേധിച്ചു
കൊച്ചി ഇന്ധനക്കൊള്ളയ്ക്കെതിരെ മത്സ്യത്തൊഴിലാളി യൂണിയന്റെ (സിഐടിയു) നേതൃത്വത്തിൽ ഏരിയ കേന്ദ്രങ്ങളിൽ ധർണ നടത്തി. ഫോർട്ട് കൊച്ചി കമാലക്കടവിൽ ധർണ യൂണിയൻ ജില്ലാ സെക്രട്ടറി എ എക്സ് ആന്റണി ഷീലൻ ഉദ്ഘാടനം ചെയ്തു. ജില്ലാ കമ്മിറ്റി അംഗം പി സി റോളണ്ട് അധ്യക്ഷനായി. വൈപ്പിൻ കാളമുക്കിൽ സംസ്ഥാന കമ്മിറ്റി അംഗം എ കെ ശശി ഉദ്ഘാടനം ചെയ്തു. ജില്ലാ ജോയിന്റ് സെക്രട്ടറി ഇ വി സുധീഷ് അധ്യക്ഷനായി. തെക്കൻ പറവൂരിൽ സംസ്ഥാന കമ്മിറ്റി അംഗം ടി എസ് പങ്കജാക്ഷൻ ഉദ്ഘാടനം ചെയ്തു. ജില്ലാ കമ്മിറ്റി അംഗം പി വി രാമചന്ദ്രൻ അധ്യക്ഷനായി. എറണാകുളം പനമ്പുകാട് ഫിഷറീസ് സ്കൂളിനുസമീപം ജില്ലാ പ്രസിഡന്റ് ടി കെ ഭാസുരാദേവി ഉദ്ഘാടനം ചെയ്തു. ജില്ലാ കമ്മിറ്റി അംഗം കെ എ രാഗേഷ് അധ്യക്ഷനായി. Read on deshabhimani.com