രാവണീശ്വരം നെല്ലെടുപ്പ് സമരം: 75–ാം വാർഷികം 13 മുതൽ
രാവണീശ്വരം കേരള കർഷകസംഘം കാഞ്ഞങ്ങാട് ഏരിയ കമ്മിറ്റിയുടെ നേതൃത്വത്തിൽ രാവണീശ്വരം നെല്ലെടുപ്പ് സമരത്തിന്റെ എഴുപത്തിയഞ്ചാം വാർഷികം ആഘോഷിക്കും. ഏപ്രിൽ 13 മുതൽ ഒക്ടോബർ 16 വരെ രാമഗിരിയിൽ നടക്കും. 13ന് വൈകീട്ട് നാലിന് രാമഗിരിയിൽ ഓൾ ഇന്ത്യ കിസാൻ സഭ ജനറൽ സെക്രട്ടറി ഡോ. വിജൂ കൃഷ്ണൻ ഉദ്ഘാടനം ചെയ്യും. വാർഷികാഘോഷത്തിന്റെ ലോഗോ സി എച്ച് കുഞ്ഞമ്പു എംഎൽഎ സംഘാടക സമിതി ചെയർമാൻ എം പൊക്ലന് നൽകി പ്രകാശനം ചെയ്തു. മൂലക്കണ്ടം പ്രഭാകരൻ, ഡോ എ അശോകൻ, കെ രാജേന്ദ്രൻ, പി കൃഷ്ണൻ, കെ സബീഷ്, എം ബാലകൃഷ്ണൻ, ബി മാധവൻ, എ പവിത്രൻ, പി കാര്യമ്പു എന്നിവർ സംസാരിച്ചു. പി രാധാകൃഷ്ണൻ സ്വാഗതം പറഞ്ഞു. വാർഷിക ആഘോഷത്തിന്റെ ഭാഗമായി പോരാളികളുടെ സ്മൃതി മണ്ഡപങ്ങളിൽനിന്ന് ദീപശിഖാജാഥ, സാംസ്കാരികസദസ്, കർഷക–വനിത കൂട്ടായ്മ, സോവനീർ , പോരാളി സംഗമം, കലാപരിപാടികൾ എന്നിവ നടക്കും. Read on deshabhimani.com