ഡിവൈഎഫ്ഐ യൂണിറ്റ് സമ്മേളനങ്ങൾക്ക് തുടക്കമായി
കാസർകോട്‌ ജില്ലയിലെ ഡിവൈഎഫ്ഐ സംഘടനാ സമ്മേളനങ്ങൾക്ക് തുടക്കമായി. ഡിസംബർ, ജനുവരി മാസങ്ങളിൽ യൂണിറ്റ് സമ്മേളനങ്ങൾ പൂർത്തിയാക്കും. ഫെബ്രുവരിയിൽ മേഖലാ സമ്മേളനങ്ങൾ നടക്കും. ജില്ലയിലെ ആദ്യ സമ്മേളനം ചെറുവത്തൂർ ബ്ലോക്കിലെ ചീമേനി ഈസ്റ്റ്‌ മേഖലാ പരിധിയിൽ വരുന്ന കരക്കാട്ട്‌ നടന്നു. ജില്ലാ സെക്രട്ടറി സി ജെ സജിത്ത് ഉദ്‌ഘാടനം ചെയ്തു. ബ്ലോക്ക്‌ സെക്രട്ടറി രജീഷ് വെള്ളാട്ട്, മേഖലാ സെക്രട്ടറി റിജിൻ കൃഷ്ണ എന്നിവർ സംസാരിച്ചു. രണ്ടുവർഷത്തിന്‌ ശേഷമാണ് ഡിവൈഎഫ്ഐ യൂണിറ്റ് സമ്മേളനങ്ങൾ ചേരുന്നത്. രക്‌തദാന സേനാ പ്രഖ്യാപനം, യൂത്ത് ബ്രിഗേഡ് രൂപീകരണം തുടങ്ങിയവ യൂണിറ്റ് സമ്മേളനത്തിന്റെ ഭാഗമായി നടക്കും. Read on deshabhimani.com