പെരുന്നാൾ സ്‌നേഹവുമായി ഡിവൈഎഫ്ഐ
കൊടക്കാട് കോവിഡ് രോഗികൾക്ക് ഭക്ഷണമെത്തിച്ച് പെരുന്നാൾ സന്ദേശം. വെള്ളച്ചാൽ ജിഎംആർഎസിലെ പ്രഥമകേന്ദ്രത്തിൽ കഴിയുന്നവർക്കാണ് ഡിവൈഎഫ്ഐ കൊടക്കാട് വെസ്റ്റ്, നോർത്ത് കമ്മിറ്റികൾ ഭക്ഷണമെത്തിച്ചത്. ഈ കേന്ദ്രത്തിൽ പത്തുദിവസമായി ഡിവൈഎഫ്ഐ ഭക്ഷണം വിതരണം ചെയ്‌തു. പെരുന്നാൾ ദിനത്തിൽ ബിരിയാണിയും പ്രത്യേകമായി നൽകിയത്‌ സഹജീവി സ്‌നേഹമെന്ന പെരുന്നാൾ സന്ദേശം കൂടിയായി. യൂണിറ്റ്‌ കമ്മിറ്റികൾ വീടുകളിൽ നിന്നു ഭക്ഷണപ്പൊതികൾ ശേഖരിച്ചാണ് കേന്ദ്രത്തിൽ വിതരണം ചെയ്യുന്നത്. Read on deshabhimani.com