സ്‌കൂൾ പാചകത്തൊഴിലാളികളെ സ്ഥിരപ്പെടുത്തണം
കാസർകോട്‌ സ്‌കൂൾ പാചകത്തൊഴിലാളികളെ സ്ഥിരം തൊഴിലാളികളായി അംഗീകരിക്കണമെന്ന്‌ ജില്ലാ സ്‌കൂൾ പാചകത്തൊഴിലാളി യൂണിയൻ (സിഐടിയു) ജില്ലാ സമ്മേളനം ആവശ്യപ്പെട്ടു. 250 കുട്ടികൾക്ക്‌ ഒരാൾ എന്ന നിലയിൽ തൊഴിലാളികളെ നിയമിക്കണം. കാസർകോട്‌ സർവീസ് സഹകരണ ബാങ്ക് ഹാളിലെ പി രാഘവൻ നഗറിൽ സിഐടിയു സംസ്ഥാന സെക്രട്ടറി ടി കെ രാജൻ ഉദ്‌ഘാടനം ചെയ്‌തു. ജില്ലാ പ്രസിഡന്റ് കെ കണ്ണൻ അധ്യക്ഷനായി. ജില്ലാ സെക്രട്ടറി ബി ശോഭ പ്രവർത്തന റിപ്പോർട്ടും ഫെഡറേഷൻ സംസ്ഥാന പ്രസിഡന്റ് വി പി കുഞ്ഞികൃഷ്‌ണൻ സംഘടനാ റിപ്പോർട്ടും അവതരിപ്പിച്ച. കെ ജി ശോഭ കണക്കും പി ശാന്ത രക്തസാക്ഷി പ്രമേയവും സി സരസ്വതി അനുശോചനപ്രമേയവും അവതരിപ്പിച്ചു. സിഐടിയു സംസ്ഥാന കമ്മിറ്റി അംഗം പി മണിമോഹൻ, ജില്ലാ വൈസ് പ്രസിഡന്റ് കെ ഭാസ്‌കരൻ, പി വി കുഞ്ഞമ്പു, ഗിരി കൃഷ്ണൻ, എ നാരായണൻ, അബ്ദുറഹ്‌മാൻ ധന്യവാദ് എന്നിവർ സംസാരിച്ചു. ഭാരവാഹികൾ: വി സി മാധവൻ (പ്രസിഡന്റ്), സി സീമ, സി സരസ്വതി, ടി ശോഭന (വൈസ് പ്രസിഡന്റ്), ബി ശോഭ (സെക്രട്ടറി), എ സവിത, പി ശാന്ത, കെ ജി ശോഭ (ജോയിന്റ് സെക്രട്ടറി), കെ കണ്ണൻ (ട്രഷറർ). Read on deshabhimani.com