മയക്കുമരുന്നുമായി 3പേർ പിടിയിൽ
കാഞ്ഞങ്ങാട് ദേശീയപാതയിൽ കാഞ്ഞങ്ങാട് സൗത്തിൽ ഹൊസ്ദുർഗ് പൊലീസ് നടത്തിയ റെയ്ഡിൽ എംഡിഎംഎയുമായി യുവാക്കൾ പിടിയിൽ. പടന്നക്കാട് സ്വദേശികളായ തഹ്സീം ഇസ്മയിൽ (33), സഹോദരൻ തമീം ഇസ്മയിൽ(31), കുറുന്തൂരിലെ റാഷിദ് (30) എന്നിവരെയാണ് ഒറിക്സ് റസ്റ്റോറന്റിന് സമീപത്തെ റോഡിൽനിന്ന് വാഹന പരിശോധനയ്ക്കിടെ എസ്ഐ സതീശനും സംഘവും പിടിച്ചത്‌. ബംഗളൂരുവിൽനിന്ന് സ്ഥിരമായി എംഡിഎംഎ എത്തിച്ച് വിൽപ്പന നടത്തുന്ന സംഘം സഞ്ചരിച്ച കറുത്ത കാറിൽനിന്ന് 1.78 ഗ്രാം എംഡിഎംഎയാണ് പിടികൂടിയത്. പ്രതികൾക്ക് കത്തിക്കുത്ത് ഉൾപ്പെടെയുള്ള കേസുകൾ നേരത്തെയുണ്ട്. Read on deshabhimani.com