ഉയർത്താം
കാസർകോട് ദേശീയ സബ് ജൂനിയർ, -ജൂനിയർ ക്ലാസിക്‌ പവർലിഫ്റ്റിങ്‌ ചാമ്പ്യൻഷിപ്പിന് കാസർകോട് മുനിസിപ്പൽ ടൗൺ ഹാളിൽ തുടക്കമായി. എൻ എ നെല്ലിക്കുന്ന് എംഎൽഎ ഉദ്ഘാടനം ചെയ്തു. ഇ ചന്ദ്രശേഖരൻ എംഎൽഎ അധ്യക്ഷനായി. ദേശീയ പവർ ലിഫ്റ്റിങ്‌ അസോസിയേഷൻ പ്രസിഡന്റ് രാജേഷ് തിവാരി, ജനറൽ സെക്രട്ടറി പി ജെ ജോസഫ് എന്നിവർ സംസാരിച്ചു. നഗരസഭ ചെയർമാൻ വി എം മുനീർ സ്വാഗതവും വേണു ജി നായർ നന്ദിയും പറഞ്ഞു. കാസർകോട് നഗരസഭയും ജില്ലാ പവർലിഫ്റ്റിങ്‌ അസോസിയേഷനും ചേർന്നാണ്‌ ചാമ്പ്യൻഷിപ്പ് സംഘടിപ്പിക്കുന്നത്. എല്ലാദിവസവും രാവിലെ ഏഴിന്‌ ആരംഭിച്ച്‌ വൈകിട്ട് ഏഴിന്‌ സമാപിക്കും. 22 സംസ്ഥാനങ്ങളിൽ നിന്നും പുതുച്ചേരിയിൽ നിന്നുമായി 410 താരങ്ങൾ പങ്കെടുക്കുന്നു. 160 പേർ വനിതകളാണ്‌. 100 ഒഫീഷ്യലുകളുമുണ്ട്‌. ഞായറാഴ്‌ച ചാമ്പ്യൻഷിപ്പ് സമാപ്പിക്കും. Read on deshabhimani.com