ചെ ഗുവേര ജന്മദിനം: കാഞ്ഞങ്ങാട് ജില്ലാ ചെസ് ടൂർണമെന്റ്
കാഞ്ഞങ്ങാട് അനശ്വര രക്തസാക്ഷിയും ചെസ് കളി ജീവിതത്തിന്റെ ഭാഗമാക്കി മാറ്റുകയുംചെയ്ത ചെഗുവേരയുടെ 95-ാം ജന്മവാർഷിക ദിനത്തോടനുബന്ധിച്ച് ഇ എം എസ് പഠന ഗവേഷണ കേന്ദ്രം ജില്ലാ ചെസ് ടൂർണമെന്റ് സംഘടിപ്പിക്കും. ജില്ലാ ചെസ് അസോസിയേഷനുമായി സഹകരിച്ച് 14 ന് രാവിലെ ഒമ്പതുമുതൽ കാഞ്ഞങ്ങാട് ലയൺസ് ഹാളിലാണ് മത്സരം. 10 വയസിൽ താഴെ പ്രായമുളളവർ, 14 വയസിൽ താഴെ, 19 വയസിൽ താഴെ എന്നിങ്ങനെ മൂന്നുവിഭാഗങ്ങളായാണ് മത്സരം. വിജയികൾക്ക് സ്വർണ മെഡൽ,ക്യാഷ് അവാർഡ്,ട്രോഫി എന്നിവ നൽകും. മത്സരത്തിൽ പങ്കെടുക്കുന്ന എല്ലാവർക്കും സർടിഫിക്കറ്റുമുണ്ട്. 10ന് വെെകിട്ട് അഞ്ചിനുമുമ്പ് രജിസ്റ്റർ ചെയ്യണം: ഫോൺ: 9895074735,9605231010. യോഗത്തിൽ പഠനകേന്ദ്രം ചെയർമാൻ പി കരുണാകരൻ അധ്യക്ഷനായി. സിപിഐ എം ജില്ലാസെക്രട്ടറി എം വി ബാലകൃഷ്‌ണൻ, അഡ്വ. പി അപ്പുക്കുട്ടൻ, പ്രൊഫ. കെ പി ജയരാജൻ, ഡോ. പി പ്രഭാകരൻ, വി കുട്ട്യൻ , ജയചന്ദ്രൻ കുട്ടമത്ത്‌ എന്നിവർ സംസാരിച്ചു. ഡോ. സി ബാലൻ സ്വാഗതം പറഞ്ഞു. Read on deshabhimani.com