റെയിൽവേ സ്റ്റേഷനിലേക്ക് അങ്കണവാടി ജീവനക്കാരുടെ മാർച്ച്
കണ്ണൂർ അങ്കണവാടി ജീവനക്കാരെ സർക്കാർ ജീവനക്കാരായി അംഗീകരിക്കുക, സ്വകാര്യവൽക്കരണം അവസാനിപ്പിക്കുക, ഐസിഡിഎസ് പദ്ധതിക്കാവശ്യമായ കേന്ദ്രവിഹിതം വർധിപ്പിക്കുക തുടങ്ങിയ ആവശ്യങ്ങൾ ഉന്നയിച്ച് അങ്കണവാടി വർക്കേഴ്സ് ആൻഡ് ഹെൽപ്പേഴ്സ് അസോസിയേഷൻ (സിഐടിയു) നേതൃത്വത്തിൽ കണ്ണൂർ റെയിൽവേ സ്റ്റേഷനിലേക്ക് മാർച്ചും ധർണയും നടത്തി. സിഐടിയു സംസ്ഥാന സെക്രട്ടറി ഒ സി ബിന്ദു ഉദ്ഘാടനം ചെയ്തു. കെ ശ്രീജകുമാരി അധ്യക്ഷയായി. കെ അശോകൻ സംസാരിച്ചു. കെ പി ഭവാനി സ്വാഗതം പറഞ്ഞു. Read on deshabhimani.com