കെ കെ രാജീവന്‌ സ്‌മരണാഞ്ജലി
പാനൂർ കൂത്തുപറമ്പ് രക്തസാക്ഷി കെ കെ രാജീവന്റെ സ്‌മരണ പുതുക്കി നാട്‌. രാജു മാസ്റ്റർ സ്മാരക മന്ദിരത്തിന് സമീപത്തെ സ്മൃതിമണ്ഡപത്തിൽ പുഷ്പാർച്ചനയും തെക്കെ പാനൂർ കേന്ദ്രീകരിച്ച്‌ ബഹുജന പ്രകടനവുമുണ്ടായി. ബസ്‌സ്‌റ്റാൻഡിൽ അനുസ്മരണ പൊതുസമ്മേളനം സിപിഐ എം പൊളിറ്റ്ബ്യൂറോ അംഗം എ വിജയരാഘവൻ ഉദ്ഘാടനംചെയ്തു. ഡിവൈഎഫ്ഐ ബ്ലോക്ക് പ്രസിഡന്റ്‌ പി പി പ്രഗീഷ് അധ്യക്ഷനായി. സിപിഐ എം ജില്ലാ സെക്രട്ടറിയറ്റംഗം പി ഹരീന്ദ്രൻ, ഏരിയാ സെക്രട്ടറി കെ ഇ കുഞ്ഞബ്ദുള്ള എന്നിവർ സംസാരിച്ചു. ബ്ലോക്ക് സെക്രട്ടറി കിരൺ കരുണാകരൻ സ്വാഗതം പറഞ്ഞു. കെ കെ രാജീവൻ സ്മാരക മാധ്യമ പുരസ്കാരം ദേശാഭിമാനി ഇരിട്ടി ഏരിയാ ലേഖകൻ മനോഹരൻ കൈതപ്രത്തിന് എ വിജയരാഘവൻ സമ്മാനിച്ചു. കെ കെ രാജീവൻ കലാ സംസ്കാരിക വേദി സംഘടിപ്പിച്ച അഖിലകേരള ചിത്രരചനാ മത്സര വിജയികൾക്ക്‌ സമ്മാനവും വിതരണംചെയ്‌തു. Read on deshabhimani.com