ബാലസംഘത്തിലേക്ക് രണ്ടേകാൽ ലക്ഷംപേർ
കണ്ണൂർ ബാലസംഘം അംഗത്വ പ്രവർത്തനത്തിന്റെ ജില്ലാതല ഉദ്ഘാടനം പേരാവൂർ കാക്കയങ്ങാട്ടെ കായക്കാട് യൂണിറ്റിൽ സംസ്ഥാന ജോയിന്റ്‌ സെക്രട്ടറി ജി എൻ രാമകൃഷ്ണൻ നിർവഹിച്ചു. "കുതിക്കട്ടെ ബാല്യം തിരിച്ചറിവിന്റെ ലോകത്തേക്ക്’ എന്ന മുദ്രാവാക്യമുയർത്തിയാണ്‌ മെമ്പർഷിപ്പ്‌ പ്രവർത്തനം. 18 ഏരിയകളിൽനിന്നുള്ള രണ്ടേകാൽ ലക്ഷം കുട്ടികളെ അംഗങ്ങളാക്കും. ഉദ്‌ഘാടനച്ചടങ്ങിൽ ജില്ലാ പ്രസിഡന്റ്‌ കെ ജിഷ്ണു അധ്യക്ഷനായി. ബാലസംഘം ജില്ലാ കൺവീനർ പി സുമേശൻ, ജില്ലാ കോ -ഓഡിനേറ്റർ വിഷ്ണു ജയൻ, പേരാവൂർ ഏരിയാ ജോയിന്റ്‌ കൺവീനർ പി ഹക്കിം എന്നിവർ സംസാരിച്ചു. അനുവിന്ദ്‌ സ്വാഗതവും ആകാശ് നന്ദിയും പറഞ്ഞു. Read on deshabhimani.com