ശബരിമല തീർഥാടകർ സഞ്ചരിച്ച കാർ കത്തിനശിച്ചു
കുമളി കൊട്ടാരക്കര–ദിണ്ടുക്കൽ ദേശീയപാതയിൽ ശബരിമല തീർഥാടകർ സഞ്ചരിച്ച കാർ ഓട്ടത്തിനിടെ തീപിടിച്ച് കത്തിനശിച്ചു. വാഹനത്തിലുണ്ടായിരുന്ന തമിഴ്നാട് ഗുണ്ടൂർ സ്വദേശികളായ അഞ്ചംഗ തീർഥാടക സംഘം അത്ഭുതകരമായി രക്ഷപ്പെട്ടു. തിങ്കൾ പുലർച്ചെ അഞ്ചോടെ വണ്ടിപ്പെരിയാർ 62--ാം മൈലിലാണ് അപകടം. കാറിന്റെ മുൻവശത്ത് തീ പടർന്നതോടെ പെട്ടെന്ന് നിർത്തി എല്ലാവരും പുറത്തിറങ്ങി. ഓടിക്കൂടിയ നാട്ടുകാർ തീയണയ്ക്കാൻ ശ്രമം ആരംഭിച്ചു. തുടർന്ന് മോട്ടോർ വാഹന വകുപ്പ് ഉദ്യോഗസ്ഥരും പൊലീസും പീരുമേട്ടിൽനിന്ന് അഗ്നിരക്ഷാ സേനയുമെത്തി തീ നിയന്ത്രണ വിധേയമാക്കി. തീപിടുത്തത്തെ തുടർന്ന് അരമണിക്കൂര്‍ ഗതാഗതം തടസപ്പെട്ടു. തീർഥാടകർ മറ്റൊരു സ്വകാര്യ വാഹനത്തിൽ യാത്ര തുടര്‍ന്നു. Read on deshabhimani.com