പൈപ്പിൻചുവട്ടിലെ സമരം ഹിറ്റ്; വീട്ടമ്മമാർക്ക് നീതി
മറയൂർ മറയൂർ പഞ്ചായത്തിലെ നാച്ചിവയൽ മേഖലയിൽ പത്തുദിവസമായി കുടിവെള്ളമില്ലാത്തതിൽ പ്രതിഷേധിച്ച്- സ്-ത്രീകൾ നടത്തിയ പൈപ്പിൻചുവട്ടിലെ സമരം ഹിറ്റായി. കാലിക്കുടങ്ങളുമായി നാച്ചിവയൽ കോളനിക്ക്- സമീപത്തുള്ള കോവിൽക്കടവ്‐ ആനക്കാൽപ്പെട്ടി റോഡിൽ കുത്തിയിരുന്നും നിരത്തിയും പ്രതിഷേധിച്ചു. കുടിവെള്ള പദ്ധതിക്കായി ജലനിധി ഉൾപ്പെടെ കോടിക്കണക്കിന് രൂപ പഞ്ചായത്തിന്റെ നേതൃത്വത്തിൽ വിനിയോഗിച്ചിട്ടും ഒരു പ്രയോജനവും നാച്ചിവയൽ നിവാസികൾക്ക്- ലഭിച്ചില്ല. വീട്ടമ്മമാരുമായി പൊലീസ്- ചർച്ച നടത്തിയതോടെയാണ് പ്രതിഷേധം അവസാനിപ്പിച്ചത്. കുടിവെള്ളത്തിനായി നടപടി സ്വീകരിച്ചില്ലെങ്കിൽ പഞ്ചായത്ത്- ഓഫീസിനുമുന്നിൽ സമരം ചെയ്യുമെന്ന് വീട്ടമ്മമാർ പറഞ്ഞു. Read on deshabhimani.com