മത്സ്യത്തൊഴിലാളി ധനസഹായം; നാടെങ്ങും ആഹ്ലാദപ്രകടനം
ആലപ്പുഴ സംസ്ഥാന സർക്കാരിന് അഭിനന്ദനം അറിയിച്ച് കേരള സംസ്ഥാന മത്സ്യത്തൊഴിലാളി ഫെഡറേഷൻ(സിഐടിയു) ആഹ്ലാദപ്രക‌ടനവും സമ്മേളനവും നടത്തി. ദിവസങ്ങളായി മത്സ്യബന്ധനത്തിന് പോകാനാകാത്തവർക്ക് 3000 രൂപവീതം ധനസഹായം പ്രഖ്യാപിച്ച തീരുമാനത്തിന് അഭിവാദ്യം അർപ്പിച്ചായിരുന്നു സമ്മേളനം. ആലപ്പുഴ ഇഎസ്ഐ ജങ്ഷനിൽ ഫെഡറേഷൻ ജനറൽ സെക്രട്ടറി പി പി ചിത്തരഞ്ജൻ എംഎൽഎ ഉദ്ഘാടനം ചെയ്‍തു. തങ്കരാജ് അധ്യക്ഷനായി. ഓമനക്കുട്ടൻ, അലക്‍സ് സ്‌റ്റീഫൻ, കെ ജി ജയലാൽ, പി പി പവനൻ, സനീഷ് എന്നിവർ സംസാരിച്ചു. ജില്ലയിലെ എല്ലാ പ്രധാന മത്സ്യത്തൊഴിലാളി കേന്ദ്രങ്ങളിലും പ്രകടനവും സമ്മേളനവും നടത്തി. Read on deshabhimani.com