കാര്‍ഷിക മൂല്യവര്‍ധിത ഉൽപ്പന്നങ്ങള്‍ക്ക് വ്യവസായ യൂണിറ്റുകള്‍
ആലപ്പുഴ കാർഷികമേഖലയിൽ മൂല്യവർധിത ഉൽപ്പന്ന നിർമാണത്തിനായി വ്യവസായ യൂണിറ്റുകൾ ആരംഭിക്കുമെന്ന് മുഖ്യമന്ത്രി പിണറായി വിജയൻ. സംസ്ഥാന സർക്കാരിന്റെ നൂറുദിന കർമപരിപാടികളുടെ ഭാഗമായി നടപ്പാക്കിയ ‘സുഭിക്ഷം സുരക്ഷിതം’ പദ്ധതിയിലൂടെയുള്ള നെൽകൃഷിയുടെയും പച്ചക്കറിയുടെയും വിളവെടുപ്പ് ഓൺലൈനിൽ ഉദ്ഘാടനംചെയ്യുകയായിരുന്നു മുഖ്യമന്ത്രി. കാർഷികരംഗത്തെ കൂടുതൽ ശക്തിപ്പെടുത്താനായി മന്ത്രിസഭാ ഉപസമിതി രൂപീകരിച്ചിട്ടുണ്ടെന്നും- മുഖ്യമന്ത്രി പറഞ്ഞു. പച്ചക്കറി ഉൽപ്പാദനത്തിൽ സ്വയംപര്യാപ്തത കൈവരിക്കാൻ സംസ്ഥാനത്തിന് കഴിയുമെന്ന് കഞ്ഞിക്കുഴിയിൽ നടന്ന ചടങ്ങിൽ അധ്യക്ഷനായ കൃഷിമന്ത്രി പി പ്രസാദ് പറഞ്ഞു. എ എം ആരിഫ് എംപി, തോമസ് കെ തോമസ് എംഎൽഎ, കഞ്ഞിക്കുഴി ബ്ലോക്ക് പഞ്ചായത്ത് പ്രസിഡന്റ് വി ജി മോഹനൻ, കഞ്ഞിക്കുഴി പഞ്ചായത്ത് പ്രസിഡന്റ് ഗീത കാർത്തികേയൻ, വൈസ്‌പ്രസിഡന്റ് എം സന്തോഷ്‌കുമാർ, കൃഷി ഡയറക്‌ടർ ടി വി സുഭാഷ്, ജില്ലാ കൃഷി ഓഫീസർ ആർ ശ്രീരേഖ തുടങ്ങിയവർ പങ്കെടുത്തു. Read on deshabhimani.com