7512 ഭിന്നശേഷിക്കാര്‍ക്ക് സഹായമെത്തി
ആലപ്പുഴ സാമൂഹ്യനീതിവകുപ്പിന്റെ സഹജീവനം ഹെൽപ്പ് ഡെസ്‌ക്കിലൂടെ ആഗസ്‌തിൽ 7512 ഭിന്നശേഷിക്കാർക്ക്‌ സഹായമെത്തി. വിവിധ വകുപ്പുകളുടെയും തദ്ദേശസ്ഥാപനങ്ങളുടെയും സ്‌പെഷ്യൽ സ്‌കൂളുകളുടെയും സഹകരണത്തോടെയാണ് ഹെൽപ്പ് ഡെസ്ക്. 7512 ഭിന്നശേഷികാർക്ക് വാക്‌സിനും 35 പേർക്ക് മരുന്നും നൽകി. സാമ്പത്തികമായി പിന്നാക്കം നിൽക്കുന്നവർക്ക്‌ കഞ്ഞിക്കുഴി ദീപ്തി സഹജീവനം ഹെൽപ്പ് ഡെസ്ക് സ്‌പോൺസർഷിപ്പിലൂടെ ബാത്ത് റൂം നിർമിച്ചുനൽകി. ജില്ലാ പഞ്ചായത്ത് ഹാളിൽ ചേർന്ന പദ്ധതി അവലോകനയോഗത്തിൽ ജില്ലാ സാമൂഹ്യനീതി ഓഫീസർ എ ഒ അബീൻ അധ്യക്ഷനായി. എൽഎൽസി കൺവീനർ ടി ടി രാജപ്പൻ റിപ്പോർട്ട് അവതരിപ്പിച്ചു. ശ്രീദേവി, പി പ്രദീപ്കുമാർ, സലീന, വിൻസി എന്നിവർ പങ്കെടുത്തു. Read on deshabhimani.com