റിസോഴ്സ് അധ്യാപകരെ സ്ഥിരപ്പെടുത്തണം
ആലപ്പുഴ പൊതു വിദ്യാലയങ്ങളിൽ സ്പെഷ്യൽ എഡ്യൂക്കേറ്റർമാരുടെ തസ്തിക സൃഷ്ടിച്ച് റിസോഴ്സ് അധ്യാപകരെ സ്ഥിരപ്പെടുത്തണമെന്ന് കേരള റിസോഴ്സ് ടീച്ചേഴ്സ് അസോസിയേഷൻ ജില്ലാസമ്മേളനം പ്രമേയത്തിൽ ആവശ്യപ്പെട്ടു. എച്ച് സലാം എംഎൽഎ ഉദ്ഘാടനംചെയ്‌തു. കെ ആർ ടി എ പ്രസിഡന്റ്‌ ജാസ്‌മിൻ ജോസഫ് അധ്യക്ഷയായി. ജില്ലാ സെക്രട്ടറി എ കെ ബീന റിപ്പോർട്ട് അവതരിപ്പിച്ചു. കെഎസ്ടിഎ ജില്ലാ സെക്രട്ടറി എസ് ധനപാൽ, സംസ്ഥാന കമ്മിറ്റി അംഗം വി അനിത, ജോയിന്റ്‌ സെക്രട്ടറി ജെ എ അജിമോൻ, ഡിപിസിസി എം രജനീഷ്, കെ ആർ ടി എ സംസ്ഥാന വൈസ് പ്രസിഡന്റ്‌ കെ സിന്ധു, സംസ്ഥാന എക്‌സിക്യൂട്ടീവ് അംഗം എം എൻ ഷീബ, ജയ്സമ്മ ആന്റണി, അജിത് വാസുദേവൻ എന്നിവർ സംസാരിച്ചു. ഭാരവാഹികൾ: ജാസ്‌മിൻ ജോസഫ് (പ്രസിഡന്റ്‌), ഹേമ, റീന (വൈസ് പ്രസിഡന്റ്‌), എ കെ ബീന (സെക്രട്ടറി), അമ്പിളിക്കല, ജിജി (ജോയിന്റ്‌ സെക്രട്ടറി), ബിൻസി എലിസബത്ത് (ട്രഷറർ). Read on deshabhimani.com