തൊഴിലവകാശങ്ങൾക്കായി കെഎസ്ആർടിഇഎ മാർച്ച്‌
ഹരിപ്പാട് കെഎസ്ആർടിഇഎ സിഐടിയു ജില്ലാ കമ്മിറ്റി ഹരിപ്പാട് കെഎസ്ആർടിസി ജില്ലാ കേന്ദ്രത്തിലേക്ക് മാർച്ചും ധർണയും നടത്തി. ശമ്പളം എല്ലാ മാസവും അഞ്ചാംതീയതി നൽകുക, താൽക്കാലിക ജീവനക്കാരെ തിരിച്ചെടുക്കുക, തൊഴിലാളി വിരുദ്ധ ഉത്തരവുകൾ പിൻവലിക്കുക, ഡീസൽ പ്രതിസന്ധി പരിഹരിക്കുക, യാത്രാക്ലേശം പരിഹരിക്കുക, ചീഫ് ഓഫീസ് നടയിൽ നടക്കുന്ന അനിശ്ചിതകാല സമരം ഒത്തുതീർക്കുക എന്നീ ആവശ്യങ്ങൾ ഉന്നയിച്ചാണ്‌ മാർച്ചും ധർണയും. ധർണ സിഐടിയു ജില്ലാ സെക്രട്ടറി പി ഗാനകുമാർ ഉദ്ഘാടനംചെയ്‌തു. കെ പദ്മകുമാർ അധ്യക്ഷനായി. എ അൻസാർ, പി ഗോപാലകൃഷ്‌ണൻ, അംബുജാക്ഷൻ, സക്കീർ ഹുസൈൻ, എസ് സാജി എന്നിവർ സംസാരിച്ചു. Read on deshabhimani.com