ഡിഎഡബ്ല്യുഎഫ് ജില്ലാ സമ്മേളനം
അമ്പലപ്പുഴ ഭിന്നശേഷിക്കാരുടെ സാമൂഹിക പിന്നോക്കാവസ്ഥ പരിഹരിക്കുന്നതിന് മുഴുവൻ ബോർഡ്, കോർപറേഷൻ സ്ഥാപനങ്ങളിലും ജനപ്രതിനിധിസഭകളിലും ഭിന്നശേഷിക്കാരുടെ പങ്കാളിത്തം ഉണ്ടാകണമെന്ന് ഡിഫറന്റിലി ഏബിൾഡ് പേഴ്സൺസ് വെൽഫെയർ ഫെഡറേഷൻ ജില്ലാ സമ്മേളനം പ്രമേയത്തിൽ ആവശ്യപ്പെട്ടു. എച്ച് സലാം എംഎൽഎ ഉദ്ഘാടനംചെയ്‌തു. പറവൂർ ഇ എം എസ് ഓഡിറ്റോറിയത്തിൽ ചേർന്ന സമ്മേളത്തിൽ ഡിഎഡബ്ല്യുഎഫ് ജില്ലാ പ്രസിഡന്റ് എ എച്ച് ഷംസുദീൻ അധ്യക്ഷനായി. ജില്ലാ സെക്രട്ടറി എസ് ഹരികുമാർ പ്രവർത്തന റിപ്പോർട്ടും സംസ്ഥാന പ്രസിഡന്റ് അഡ്വ. പരശുവക്കൽ മോഹനൻ സംഘടനാ റിപ്പോർട്ടും അവതരിപ്പിച്ചു. സിപിഐ എം ജില്ലാ സെക്രട്ടറിയറ്റംഗം എ മഹേന്ദ്രൻ, വികലാംഗ ക്ഷേമ കോർപറേഷൻ ഡയറക്‌ടർ ബോർഡ് അംഗം ഗിരീഷ് കീർത്തി, സംസ്ഥാന ജോയിന്റ് സെക്രട്ടറിമാരായ ആര്യ ബൈജു, കെ കെ സുരേഷ്, ആബീൻ, ഹരിപ്പാട് രാധാകൃഷ്‌ണൻ, പ്രസന്നൻ, രാജേന്ദ്രൻ എന്നിവർ സംസാരിച്ചു. എ ഓമനക്കുട്ടൻ സ്വാഗതം പറഞ്ഞു. വിവിധ മേഖലകളിൽ പ്രാഗത്ഭ്യം തെളിയിച്ചവരെ എച്ച് സലാം എംഎൽഎ, എ മഹേന്ദ്രൻ എന്നിവർ അനുമോദിച്ചു. ഭാരവാഹികൾ: ഹരിപ്പാട് രാധാകൃഷ്‌ണൻ (പ്രസിഡന്റ്), സി തുളസി, ഗിരീഷ് പ്രഭാകർ (വൈസ്‌പ്രസിഡന്റുമാർ), ഹരികുമാർ പൂക്കോയിക്കൽ (സെക്രട്ടറി), എം പ്രസന്നൻ, എസ് ഉദയനൻ (ജോയിന്റ് സെക്രട്ടറിമാർ), സി രാജേന്ദ്രൻ കരുവാറ്റ (ട്രഷറർ). Read on deshabhimani.com