രജിസ്ട്രാറുടെ പ്രതികാരനടപടിയിൽ പ്രതിഷേധദിനം ആചരിച്ചു
നേമം സംയുക്ത സമരസമിതി നടത്തുന്ന സമരത്തിൽ പങ്കെടുത്ത 137 ജീവനക്കാർക്ക്‌ കാരണം കാണിക്കൽ നോട്ടീസ് നൽകിയ രജിസ്ട്രാറുടെ നടപടിക്കെതിരെ വെള്ളായണി കാർഷിക കോളേജിൽ പ്രതിഷേധദിനമാചരിച്ചു. സർവകലാശാലയിലെ ജനാധിപത്യ സമിതികൾ രൂപീകരിക്കുക, രാഷ്ട്രീയ പക തീർക്കാനായി അധ്യാപകരെ സ്ഥലംമാറ്റിയ നടപടി പിൻവലിക്കുക, എംപ്ലോയീസ് അസോസിയേഷൻ ജനറൽ സെക്രട്ടറി സി വി ഡെന്നിയെ തരംതാഴ്‌ത്തിയ നടപടി പിൻവലിക്കുക എന്നീ ആവശ്യങ്ങൾ ഉന്നയിച്ച്‌ സംയുക്ത സമര സമിതി 50 ദിവസമായി സമരത്തിലാണ്‌. സമരം ഒത്തുതീർക്കുന്നതിന് പകരമാണ്‌ രജിസ്ട്രാർ പ്രതികാര നടപടിയുമായി രംഗത്തെത്തിയത്‌. സിപിഐ എം നേമം ഏരിയ സെക്രട്ടറി പാറക്കുഴി സുരേന്ദ്രൻ പ്രതിഷേധദിനം ഉദ്ഘാടനം ചെയ്തു. കെ ആർ അനിൽ അധ്യക്ഷനായി. ശ്രീരാഗ്, കെ എസ് സജീവ്, എസ് സുഭാഷ്, അദ്വൈത്, കെ ജി സംഗീത എന്നിവർ സംസാരിച്ചു. Read on deshabhimani.com