ലോറിയിൽനിന്ന് മണ്ണുമാന്തിയന്ത്രം തെറിച്ചുവീണു; റോഡ് തകർന്നു
കരിച്ചേരി ലോറിയിൽനിന്നും മണ്ണുമാന്തിയന്ത്രം റോഡിൽവീണ് അപകടം. തെക്കിൽ ആലട്ടിറോഡ് കരിച്ചേരി വളവിൽ ചൊവ്വ രാവിലെ പത്തിനാണ് സംഭവം. പൊയിനാച്ചി ഭാഗത്തുനിന്നും കുണ്ടംകുഴിക്ക് വരികയായിരുന്ന ലോറിയിൽ നിന്നാണ് മണ്ണുമാന്തിയന്ത്രം റോഡിലേക്ക് വീണത്. സമീപത്ത് മറ്റു വണ്ടികൾ ഇല്ലാതിരുന്നതിനാൽ വലിയ അപകടം ഒഴിവായി. എന്നാൽ ഹിറ്റാച്ചിയുടെ വീഴ്ച്ചയിൽ റോഡ് തകർന്നു. ബന്തടുക്കയിലും പള്ളത്തിങ്കാലും പണി പൂർത്തിയാക്കി ഉദ്ഘാടനത്തിനൊരുങ്ങുന്ന തെക്കിൽ ആലട്ടി റോഡാണ് തകർന്നത്. മണ്ണുമാന്തിയന്ത്രം ചങ്ങലയിട്ട് ലോറിയിൽ കൃത്യമായി ബന്ധിപ്പിക്കാത്തതാണ് അപകടത്തിന് കാരണമെന്ന് ദൃക്‌സാക്ഷികൾ പറഞ്ഞു. Read on deshabhimani.com