ഓവറോൾ കിരീടം പിണങ്ങോട് ഡബ്ല്യുഒഎച്ച്‌എസ്‌എസിന്‌
കൽപ്പറ്റ ജില്ലാ സൈക്ലിങ് അസോസിയേഷന്റെ ആഭിമുഖ്യത്തിൽ എൽസൺ എസ്റ്റേറ്റ് ട്രാക്കിൽ നടന്ന, ജില്ലാതല സൈക്കിൾ ചാമ്പ്യൻഷിപ്പിൽ പിണങ്ങോട് ഡബ്ല്യുഒഎച്ച്‌എസ്‌എസ് ഓവറോൾ കിരീടം നേടി. സബ് ജൂനിയർ പെൺ, ജൂനിയർ ആൺ-, പെൺ, സീനിയർ ആൺ,- പെൺ എന്നീ വിഭാഗങ്ങളിൽ വിജയിച്ചാണ് ഓവറോൾ കിരീടം നേടിയത്‌. തൊടുപുഴയിൽ നടക്കുന്ന സംസ്ഥാന സൈക്കിൾ ചാമ്പ്യൻഷിപ്പിലേക്ക് ഈ വിദ്യാലയത്തിൽനിന്ന് 12 പേർ യോഗ്യരായി. വിജയികളെ മാനേജ്മെന്റ്, പിടിഎ പ്രതിനിധികൾ ചേർന്ന് അനുമോദിച്ചു. പ്രിൻസിപ്പൽ താജ് മൻസൂർ, പിടിഎ പ്രസിഡന്റ്‌ നാസർ കാതിരി, വൈസ് പ്രിൻസിപ്പൽ അൻവർ ഗൗസ്, എൻ സി സാജിദ് എന്നിവർ സംസാരിച്ചു. Read on deshabhimani.com