തലസ്ഥാനത്ത് ഒരുങ്ങും യുദ്ധസ്മാരകം
കഴക്കൂട്ടം രാജ്യത്തിന്റെ അഭിമാനമായ വീരജവാന്മാരുടെ സ്മരണ നിലനിർത്തുന്ന യുദ്ധസ്മാരകം തലസ്ഥാനത്ത് യാഥാർഥ്യമാകുന്നു. ബുധനാഴ്ച ചേർന്ന മന്ത്രിസഭ -ഇതിനായി 8.08 കോടി രൂപയുടെ ഭരണാനുമതി നല്‍കി. ചെറുവയ്ക്കൽ വില്ലേജിൽ എയർഫോഴ്സ് ഹെഡ് ക്വോർട്ടേഴ്സിനും -ആക്കുളം ടൂറിസ്റ്റ് വില്ലേജിനും സമീപം ഒന്നര ഏക്കർ യുദ്ധ സ്മാരകത്തിനായി സൈനികക്ഷേമവകുപ്പിന് റവന്യൂവകുപ്പ് പതിച്ചുനൽകിയിരുന്നു. കടകംപള്ളി സുരേന്ദ്രൻ എംഎൽഎയുടെ ഇടപെടലിലായിരുന്നു ഇത്‌. ആർമി, നേവി, എയർഫോഴ്സ് -(ടാങ്ക്, ഷിപ്, ജാക്കൂർ എയർക്രാഫ്റ്റ്) അന്താരാഷ്ട്ര നിലവാരമുള്ള മ്യൂസിയം ആണ് ഇവിടെ നിർമിക്കുക. നിര്‍മാണത്തിനായുള്ള പ്രാരംഭ പ്രവര്‍ത്തനങ്ങള്‍ എന്ന നിലയില്‍, ഭൂമി ലെവല്‍ ആക്കുകയും ടോപോഗ്രഫിക്കല്‍ സര്‍വേ നടത്തി ഭൂമി കമ്പിവേലികെട്ടി തിരിക്കുകയും മണ്ണ് പരിശോധന നടത്തുകയും ചെയ്തു. Read on deshabhimani.com