കൊട്ടാരക്കര വേഷപ്പകർച്ചകൊണ്ട് അത്ഭുതപ്പെടുത്തിയ പ്രതിഭ: ബാലഗോപാൽ
കൊട്ടാരക്കര സിനിമയിലും നാടകത്തിലും നിറഞ്ഞാടി വേഷപ്പകർച്ചകൊണ്ട് അത്ഭുതപ്പെടുത്തിയ മഹാപ്രതിഭയായിരുന്നു കൊട്ടാരക്കര ശ്രീധരൻനായർ എന്ന് ധനമന്ത്രി കെ എൻ ബാലഗോപാൽ പറഞ്ഞു. കൊട്ടാരക്കര ശ്രീധരൻനായർ ഫൗണ്ടേഷൻ സംഘടിപ്പിച്ച 35 –-ാമത് ചരമവാർഷിക ദിനം ഉദ്ഘാടനം ചെയ്യുകയായിരുന്നു അദ്ദേഹം. ഫൗണ്ടേഷൻ ചെയർമാൻ പി എൻ ഗംഗാധരൻനായർ അധ്യക്ഷനായി. പി അയിഷാപോറ്റി, മുനിസിപ്പല് ചെയർമാൻ എ ഷാജു, എഴുത്തുകാരൻ ജോർജ് ഓണക്കൂർ, സംഗീത സംവിധായകൻ ഔസേപ്പച്ചൻ, ശോഭാമോഹൻ, കാഥികൻ വി ഹർഷകുമാർ, കിളിമാനൂർ രാമവർമ തമ്പുരാൻ, ഡോ. സി ഉണ്ണിക്കൃഷ്ണൻ, സെക്രട്ടറി ജി കലാധരൻ എന്നിവർ സംസാരിച്ചു. Read on deshabhimani.com