ഫോട്ടോഗ്രഫി പുരസ്കാരം വിഘ്നേഷിന്
പാറശാല സംസ്ഥാന സർക്കാരിന്റെ വനം -വന്യജീവി ഫോട്ടോഗ്രഫി അവാർഡ് പാറശാലയിലെ വിഘ്നേഷ് ബി ശിവന്. വനംവന്യ ജീവി വാരാഘോഷത്തോട്‌ അനുബന്ധിച്ചായിരുന്നു മത്സരം. പാറശാല ഗ്രാമം ശ്രീയിൽ റിട്ട. ഡെപ്യൂട്ടി റെയ്ഞ്ച് ഓഫീസർ കെ ശിവകുമാറിന്റെയും ബീനു ശിവകുമാറിന്റെയും മകനാണ് വിഘ്നേഷ്. സഹോദരൻ വൈശാഖ് ദുബായിൽ എൻജിനിയറാണ്. സൈലന്റ് വാലിയിൽനിന്ന്‌ പാറക്കെട്ടുകൾക്കിടയിലൂടെ അരുവി കടന്ന് വനത്തിലേക്ക് കടക്കുന്ന ആനയുടെ ചിത്രമാണ് അവാർഡിന്‌ അർഹമായത്. രണ്ടു മണിക്കൂറോളം പാറക്കെട്ടുകൾക്കിടയിലെ കയത്തിൽ കുരുങ്ങിയശേഷമാണ് ആന മറുകരയിലെത്തിയതെന്ന് വിഘ്നേഷ് പറഞ്ഞു. ഈ സമയമാണ് ചിത്രം പകർത്തിയത്. ബിഎസ്‌സി ബോട്ടണി ബിരുദധാരിയായ വിഘ്നേഷിന് ആറാം ക്ലാസ് മുതലാണ് ഫോട്ടോഗ്രഫിയിൽ കമ്പം തുടങ്ങിയത്. വിവിധ കാലയളവിലായി വയനാട്, നെല്ലിയാമ്പതി, സൈലന്റ് വാലി, ചിന്നാർ, അഗസ്ത്യമല, മറയൂർ, പെരിയാർ, ഇരവികുളം മേഖലകൾ സന്ദർശിച്ച് ചിത്രങ്ങൾ പകർത്തിയിട്ടുണ്ട്. Read on deshabhimani.com